Kýbandaǵy balalar lagerinde bir top bala sýǵa batyp ketti
ASTANA. Shildeniń 7-si. QazAqparat - Kýbandaǵy «Azov» balalar lagerinde búgin shomylý kezinde bir top bala joǵalyp ketti, dep habarlady aımaqtyq TJM bas basqarmasynyń baspasóz qyzmetinen RBK-ǵa. Qutqarýshylar bir ul balany sýdan alyp shyǵa aldy, biraq úsh bala men tárbıeshi sýǵa batyp ketti.
Sonymen qatar, birneshe bala iz-túzsiz joǵalyp otyr.
Qaıǵyly oqıǵa Eı aýdanyndaǵy Doljan stanıtsasynda oryn aldy. TJM habarlaǵandaı, balalar shomylýǵa beıimdelmegen jerde sýǵa túsken. Aldyn ala aqparat boıynsha, qaıǵyly jaǵdaıǵa qatty sýasty aǵysy sebepker bolyp otyr.
Tótenshe oqıǵa shamamen 11.30-da oryn aldy. Qazirgi ýaqytta oqıǵa ornynda súńgýirler jumys istep jatyr.
