Kýbanda nóser jaýynnan 6 adam qaza tapty
KRASNORDAR. QazAqparat - Krasnodar ólkesinde nóser jaýynnan zardap shekkender sany 145 adamǵa jetti, sonyń ishinde 13 adam aýrýhanaǵa jetkizilgen. Bul týraly TASS agenttigine silteme jasap QazAqparat habarlaıdy.
Jergilikti bıliktiń málimetinshe, alty adam qaza tapqan. Krasnodar ólkesinde nóser jaýynnan keıin 30 eldi mekendi sý basyp, kólik joldary jáne temirjol búlindi. Túrli aýdandarda elektr jaryǵy sónip, gazben jabdyqtaý nashar jumys isteýde. Týapse qalasynda 60 myńnan astam adam sýsyz otyr. Tótenshe jaǵdaı engizilgen aýdanda 5,3 myńnan astam adam turyp jatqan 2,4 myń úıdi sý basty.
