Kýbanda bolǵan sý tasqynynda qazaqstandyqtar zardap shekken joq

RF-daǵy QR Elshiliginen habarlanǵandaı, 8 shildede reseılik TJ qyzmetteri bergen málimetter boıynsha, Kýbanda oryn alǵan sý tasqynynda Qazaqstan azamattary zardap shekken joq. Qazirgi ýaqytta jaǵdaı baqylaýǵa alyndy.

Buǵan deıin habarlaǵanymyzdaı, tolassyz jaýǵan nóserli jaýyn-shashyn Gelendjık aýdanynda sý tasqynyna ákep soqty. Dúısenbi kúngi saǵat 10.00-degi jaǵdaı boıynsha tabıǵı apattyń saldarynan 171 adam kóz jumyp, 3,3 myńy birinshi qajettilik zattarynan jarym-jartylaı aıyrylsa, 18,7 myń turǵyn olardan tolyq aıyrylǵan, taǵy 800 adam medıtsınalyq mekemelerde qaralý ústinde. Bas-aıaǵy 22 myńnan astam adam zardap shekti.

Qazirgi ýaqytta izdestirý-qutqarý jumystary jalǵasýda. Qyrym Іshki ister mınıstrligi bóliminiń tolyq jeke quramy men TJM-niń qyzmetkerleri birlese otyryp turǵyndardy qaýipti aýdandardan kóshirýde. Adamdar ýaqytsha ornalastyrý qosyndaryna jetkizilip jatyr.

Reseıde dúısenbi kúni Krasnodar ólkesinde sý tasqynynda qaza tapqan kóptegen adamdarǵa jáne Ýkraınada bolǵan jol-kólik apatynyń saldarynan kóz jumǵan 14 adamǵa baılanysty aza tutý kúni jarııalandy.