Kýbalyqtarǵa jyljymaıtyn múlikti satýǵa satyp alýǵa ruqsat etildi
ASTANA. 19 sáýir. QazAqparat - Kýba Kommýnıstik partııasy VI seziniń delegattary el halqyna jyljymaıtyn múlikti satýǵa satyp alýǵa ruqsat berdi.
Jyljymaıtyn múlikti satý men satyp alýdyń búge-shigesi naqty aıtylǵan joq. Degenmen, Kýba basshysy Raýl Kastro, jyljymaıtyn múliktiń bir qolǵa shoǵyrlanýyna el bıligi múmkindik bermeıtinin eskertip úlgerdi, dep jazady Ýtro.ru agenttigi.
Jyljymaıtyn múlikke jeke menshikke 1959 jylǵy tóńkeristen keıin tyıym salynǵan bolatyn. Sodan beri kýbalyqtar óz úılerin balalaryna tek muraǵa qaldyryp, nemese aıyrbastap júrdi. Alaıda, aıyrbastaý júıesi de óte kúrdeli edi.
