Kýbalyqtar jańa konstıtýtsııa jobasymen tanysyp jatyr
ASTANA. QazAqparat - Kýba azamattary eldiń jańa konstıtýtsııasymen tanysý múmkindigine ıe boldy, dep habarlaıdy RIA Novostı.
Correos de Cuba basylymynyń jazýynsha, 31 shildeden bastap 32 bettik konstıtýtsııa jobasy satylymǵa shyqty.
«Adamdar oqyp, tanysyp, osy boıynsha óz pikirlerimen bóliskeni mańyzdy. Tek osylaı ǵana barlyǵymyz talqylaýǵa qatysa alamyz», - dep málimdedi RIA Novostı agenttigine jergilikti professor Alfredo Garsııa.
Budan buryn shildede Kýba bıliginiń Ulttyq assambleıasy óz otyrysynda eldiń negizgi zańyn ózgertetin konstıtýtsııalyq reformany maquldady. Parlament 13 tamyzdan 15 qarashaǵa deıin jańa konstıtýtsııany jalpyhalyqtyq referendýmǵa shyǵarýdy usynǵan edi.
Kýbanyń jańa konstıtýtsııasynda prezıdent laýazymy engiziledi, onyń qyzmeti on jyldan keıin shekteledi, jekemenshik quqyǵy kelisiledi. Sondaı-aq, Kýba memleketi qyzmetiniń negizgi qaǵıdalarynyń biri - sotsıalızmniń qurylysy atalady. Konstıtýtsııa mátinine alǵash ret genderlik belgiler boıynsha kemsitýshilikke tyıym salynatyny engizildi.
