Kýbalyq Erıslendı Lara ataqty Meıvezerdi, Golovkındi, Alvaresti jekpe-jekke shaqyryp otyr
ASTANA. QazAqparat - Búkilálemdik boks qaýymdastyǵy birinshi orta salmaqta óner kórsetip júrgen Erıslendı Larany (19-1-2, 12 KO) WBA nusqasynyń chempıony mártebesine deıin kóterdi.
Bunyń aldynda ol WBA-nyń ýaqytsha chempıony bolyp kelgen bolatyn, dep habarlaıdy sports.kz.
«Men WBA-nyń shyǵarǵan sheshimine qýanyshtymyn, jáne ózimniń jaqyn dosym, WBA prezıdenti Jılberto Mendozýǵa alǵys aıtamyn. Maǵan eshqashan eshteńe ońaı kelmegen. Meniń bar maqsatym óz dıvızıonymda menen myqty boksshy joq ekendigin dáleldeý, sondyqtan meniń aldyma kelgenderdiń barlyǵymen kezdestim. Bar ómirimdi eńbekpen ótkizdim, álem chempıony ataný úshin, eńdi sol armanym oryndaldy», - deıdi E.Lara.
Onyń aıtýynsha, boksshy kez kelgen boksshymen judyryqtasýǵa daıyn, tipti salmaǵy bir kategorııaǵa joǵary bylǵary qolǵap sheberlerimen kezdespek.
«Men Floıd Meıvezer, Saýl Alvares, Gennadıı Golovkın syndy boksshylarmen jekpe-jekke shyqqym keledi jáne ózin myqty dep sanaıtyn kez kelgen top-boksshyǵa qarsy urysqa daıynmyn», - deıdi ol.
