Kýbalyq boksshy Laranyń menedjeri Golovkınmen kezdesý uıymdastyrǵysy keledi
ASTANA. QazAqparat - Kýbalyq boksshy Erıslandı Laranyń (23-2-2, 13 KO) menedjeri kishi Lýıs de Kýbas óziniń klıentin qazaqstandyq boksshy Gennadıı Golovkınmen (36-0, 33 KO) kezdesýin uıymdastyrýǵa qatysty pikirimen bólisti, dep habarlaıdy Sports.kz MAWarriors.com. saıtyna silteme jasap.
«Erıslandı eń úzdik boksshylarmen kezdesken jáne birinshi jeńil salmaqtaǵy úzdik boksshylardyń biri retindegi mártebesin saqtap tur. Ol osy ýaqytta óziniń dıvızıonyndaǵy úzdikterdiń biri. Biz qazir ıÝrıı Formanmen kezdesýge daıyndyq ústindemiz. Odan keıin jaǵdaı qalaı bolaryn kórermiz. Biz eshqashan jeńilip kórmegen Demetrıýs Andrademen kezdesý uıymdastyrýdy jón kórip otyrmyz. Bolmasa Gennadıı Golovkınmen kúsh synasamyz. Elder Golovkınnen bári qashady, onymen eshkim kezdeskisi kelmeıdi degen áńgime órbitip júr. Biz bolsaq, eger qarjy máselesin retteı alsaq, sol kezdesýdi uıymdastyrýdy jón kóremiz. Lara álemdegi úzdik P4P boksshylarynyń biri. Onyń Golovkındi soqqynyń astyna alatyn myqty stıli bar»,-dedi kishi De Kýbas.
