Kýbada jaǵajaıda júrgen bes adamǵa jaı túsip, opat boldy
NUR-SULTAN. QazAqparat – Kýbanyń Maıabek provıntsııasynda jaǵajaıda demalyp júrgen bes adamǵa jaı túsip, ajal qushty. Bul týraly Granma basylymy jazdy, dep habarlaıdy QazAqparat.
Qaıǵyly oqıǵa keshe keshkisin bolǵan. Qaza tapqandardyń ekeýi eresek adamdar, al úsheýi kámeletke tolmaǵan bala.
Naızaǵaıdan zardap shekken taǵy bir bozbala aýrýhanada jatyr.
Aıta keteıik, Kýba naızaǵaı sany boıynsha álemde alǵashqy oryndarda turady. Ásirese, osy Maıabek provıntsııasynda jıi naızaǵaı jarqyldaıdy. Onyń ústine mamyr-qazan aılary azattyq aralynda daýyl maýsymy sanalady.
