Kýbada parlament saılaýy ótti
ASTANA. QazAqparat – Kýbada keshe ótken parlament saılaýynyń qorytyndysy jaqyn kúnderi jarııalanady, dep habarlaıdy QazAqparat Euronews agenttigine silteme jasap.
Qoǵamdaǵy oppozıtsııalyq kóńil-kúı kórsetkishi retinde turǵyndardyń saılaýǵa qatysýyna erekshe kóńil bólindi.
Biraq resmı derek boıynsha, sol kúni saılaýǵa 8 mıllıonǵa jýyq adam, ıaǵnı daýys berý quqy bar saılaýshylardyń 70% kelgen.
Halyqaralyq quqyq qorǵaý uıymdary bul saılaýdy jalǵan amal dep atady. Sebebi ulttyq assambleıadaǵy 470 orynǵa el úkimeti aldyn ala tańdap alǵan 470 adam úmitker boldy.
Tańdalǵan zań shyǵarýshylar prezıdenttikke úmitker usynýǵa jaýap beredi jáne ony parlamenttegi daýys berý barysynda ózderi saılap alady.
Boljam boıynsha, Kýba kommýnıstik partııasynyń kóshbasshysy Mıgel Dıas-Kanel ekinshi merzimge saılanady.
Kýba ekonomıkalyq daǵdarys pen jıilegen áleýmettik narazylyqtarmen kúresip jatyr.
Byltyr AQSh-qa ótpek bolǵan zańsyz kýbalyq mıgranttardyń sany tórt ese artqan.
