Kýbada FIHAV-2014 halyqaralyq kórmesi óz jumysyn aıaqtady
ASTANA. QazAqparat - Senbi kúni Kýbada FIHAV 32-shi halyqaralyq jármeńkesi óz jumysyn aıaqtady. Latyn Amerıkasynyń eń iri saýda forýmdarynyń biri alǵash ret sheteldik ınvestıtsııalarǵa arnap, kompanııalarǵa kapıtalyn salý úshin naqty jobalardy usyndy.
Jármeńkede kýbalyq tarap kapıtaldy salý úshin «múmkindikter qorjynyn» usyndy. 246 jobany qamtıtyn ol 8,7 mlrd. dollarǵa baǵalanady. Kýbada qurylyp otyrǵan Marıel damý aımaǵy da sheteldik kásiporyndardyń úlken qyzyǵýshylyǵyna ıe boldy.
Saýda bırjasynyń jumysy ýaqytynda 20 myń sharshy metrge jýyq alańda ekspozıtsııalar ornalastyryldy. Pavılondarǵa úkimettik deńgeıdegi otyzǵa jýyq delegatsııa men 46 saýda palatasy men uıymdardyń ókilderi keldi. FIHAV 32-shi halyqaralyq jármeńkesine 60 elden astam elden 4 myńǵa jýyq eksponent qatysty.
