Kýbada Fıdel men Raýl Kastronyń apasy dúnıeden ótti
ASTANA. 2 naýryz. QazAqparat - Kýbada 88 jasynda Kýba tóńkerisiniń kóshbasshysy Fıdel Kastro men onyń inisi Raýldiń apasy Anhela Kastro dúnıeden ótti,
dep habarlady Lenta.rý.
Reuters agenttiginiń málimetterine qaraǵanda, bul jaıynda aǵaıyndy Kastrolardyń taǵy bir qaryndasy Kýbadan 1966 jyly ketken Hýanıtý málimdegen. Bul aqparat jaıynda Kýba bıligi tarapynan resmı qýattaý túsken joq.
Qazir Maıamıde turatyn Hýanıtý Kastronyń aıtýynsha, Anhela Marııa uzaqqa sozylǵan naýqastan keıin aýrýhanada kóz jumǵan.
Anhela jeti aǵaıyndy Kastrolardyń úlkeni bolatyn, ol eshqashan Kýbadan shetke shyqqan emes. Ol sondaı-aq inileri basqaratyn Kýba úkimetinde de joǵary laýazymda bolmaǵan.
85 jastaǵy Fıdel Kastro Kýbany 49 jyl basqardy, 2008 jyly ol bılikti búginde 80-ge tolyp otyrǵan inisi Raýlge berdi.
