Kýbada elektr júıesindegi aqaýdan el qaıta jaryqsyz qaldy
ASTANA. KAZINFORM – 18 qyrkúıekte Kýbanyń ulttyq elektr energetıkasy júıesi qaıtadan tolyq isten shyǵyp, el bıligi elektrmen jabdyqtaýdy qalpyna keltirý hattamalaryn iske qosty, dep habarlaıdy TASS.
Bul týraly Karıb aralyndaǵy memlekettiń Energetıka jáne taý-ken ónerkásibi mınıstrligi málimdedi.
– Elektr júıesi tolyq isten shyqty. Qalpyna keltirý hattamalary iske qosyldy, – delingen mınıstrliktiń X áleýmettik jelisindegi habarlamasynda.
Kýbanyń energetıkalyq júıesi sońǵy ret shilde aıynda tolyq isten shyqqan. Ol kezde mundaı jaǵdaı 10 kúnge jetpeıtin ýaqyt ishinde úsh ret qaıtalanyp, sonyń saldarynan el aýmaǵynyń basym bóligi uzaq ýaqyt boıy elektr qýatynsyz qalǵan.
Kýbadaǵy energetıkalyq jaǵdaı 2026 jyldyń basynda AQSh bıligi aralǵa munaı jetkizýge qatysty shekteý sharalaryn engizgennen keıin kúrt nasharlady. Jaz boıy elde elektr energııasy is júzinde turaqty túrde tapshy bolyp, sýmen jabdyqtaýda da eleýli irkilister boldy.
Eske sala ketsek, buǵan deıin Kýbada energetıkalyq júıeniń isten shyǵýynan keıin shamamen 10 mln turǵynnyń jaryqsyz qalǵany habarlanǵan.
Sondaı-aq Torontodaǵy qatty naızaǵaı ondaǵan myń turǵynnyń elektr qýatynsyz qaldyrǵanyn jazdyq.
