Kýbada apatqa ushyraǵan Boeing 737 ushaǵynyń «qara jáshigi» tabyldy
MÁSKEÝ. QazAqparat - Kýbada apatqa ushyraǵan Boeing 737 ushaǵynyń borttaǵy jaǵdaıdy taspaǵa túsiretin qurylǵylarynyń biri tabyldy. Bul týraly senbi kúni Kýba televızııasynyń efırinde osy eldiń Kólik mınıstri Adel Iskerdo málim etti, dep habarlaıdy TASS.
«Biz «qara jáshikterdiń» bireýin taptyq. Ol jaqsy saqtalǵan. Jýyq arada biz onyń ekinshisin de tabamyz degen úmittemiz»,-dedi mınıstr.
Apattyń sebep-saldary ázirge belgisiz. Kýbanyń kólik mınıstrligi osy isti tekserýmen aınalysatyn arnaıy komıssııa qurdy.
Boeing 737 ushaǵy Gavanadaǵy Hose Artı atyndaǵy áýejaıdan ushyp shyǵa salysymen apatqa ushyraǵan. Laınerdiń bortynda 111 adam bolǵan. Olardyń 108-i qaza boldy. Aman qalǵandardyń barlyǵy Gavana aýrýhanalarynda jatyr jáne barlyǵynyń jaǵdaıy óte aýyr.
Laıner Gavana-Olgın baǵyty boıynsha ishki reıske shyqqan. Ushaq Gavanadan ońtústikke qaraı 20 km qashyqtyqta jatqan áýejaı men Santıago-de-Las-Vegas eldi mekeni arasyndaǵy aýyl sharýashylyǵy aýmaǵyna qulady.
