Kýbada 5,3 baldyq jer silkinisi tirkeldi
ASTANA. KAZINFORM — Kýbanyń batysyndaǵy Pınar-del-Rıo provıntsııasyndaǵy Mantýa qalasynyń mańynda magnıtýdasy 5,3 baldyq jer silkinisi tirkeldi, dep habarlaıdy TASS.
Kýbanyń batysyndaǵy Pınar-del-Rıo provıntsııasynda magnıtýdasy 5,3 bolatyn jer silkinisi boldy. Jerasty dúmpýleri jergilikti ýaqytpen 13:37–de (Astana ýaqytymen 22:54) tirkelgen. Bul týraly Kýbanyń Ulttyq seısmologııalyq zertteýler ortalyǵy (CENAIS) habarlady.
Mamandardyń málimetinshe, jer silkinisiniń oshaǵy shamamen 10 shaqyrym tereńdikte ornalasqan. Maýsym aıynyń basynda osy óńirde magnıtýdasy 6,2 bolatyn budan da kúshti dúmpýler bolǵan, olar el astanasy Gavana qalasynda da sezilgen.
Seısmologtar mundaı belsendilik Kýbanyń batys bóligi úshin qalyptan tys qubylys ekenin atap ótti, óıtkeni jer silkinisteri kóbine araldyń shyǵys bóliginde tirkeledi.
Buǵan deıin Pavlodar oblysynyń halqy jerasty dúmpýlerin sezgeni týraly jazǵan bolatynbyz.
