Kýbada 1 mıllıondaı jumys orny qysqartylmaq
ASTANA. Tamyzdyń 2-si. QazAqparat - Kýba memlekettik sektor kásiporyndaryndaǵy artyq jumys oryndaryn birtindep qysqarta bastaıdy.
Bul týraly el basshysy Raýl Kastro málim etti, dep habarlaıdy «RIA «Novostı» agenttigi.
«Kýbalyq ekonomıkalyq modeldi jańartýdyń aıasynda birneshe aı júrgizilgen zertteýlerden keıin, Mınıstrler kabıneti memlekettik sektor kásiporyndaryndaǵy artyq jumys oryndaryn birtindep qysqartý jónindegi sharalar qabyldady», - dep málim etti Raýl Kastro el parlamentinde sóılegen sózinde.
Kastro buǵan deıingi málimdemelerinde, Kýbada 1 mıllıondaı jumys orny artyq ekenin aıtqan bolatyn. Bul - 5 mıllıon adamdy quraıtyn eńbekke jaramdy el halqynyń 20 paıyzy.
