Kýba jaǵalaýynda atys boldy: qaza tapqandar men jaralanǵandar bar

ASTANA. KAZINFORM – Kýba bıligi eldiń aýmaqtyq sýlarynda bolǵan atys oqıǵasy saldarynan tórt adamnyń qaza tapqanyn málimdedi, dep habarlaıdy Euronews.

Kýbanyń shekara qyzmeti AQSh-ta tirkelgen jyldam kater toqtaý týraly buıryqqa baǵynbaǵannan keıin oǵan oq atqan. Bılik málimetinshe, kater ekıpajy da patrýldik kemege oq jaýdyrǵan.

Kýba Іshki ister mınıstrligi taratqan málimdemede atys kezinde katerdegi alty adamnyń jáne patrýl brıgadasy komandıriniń jaralanǵany aıtylǵan. Barlyq zardap shekkender aýrýhanaǵa jetkizilgen.

Resmı aqparatqa sáıkes, Florıda shtatynda tirkelgen FL7726SH nómirli kater Vılıa-Klara provıntsııasyndaǵy Falkones-Keı aralynan bir mıl qashyqtyqta anyqtalǵan.

Mınıstrlik habarlaýynsha, patrýldik keme jaqyndaǵan sátte katerden oq atylǵan.

AQSh tarapy ázirge oqıǵaǵa qatysty resmı málimdeme jasaǵan joq.

Buǵan deıin Kýba prezıdenti AQSh-pen kelissóz júrgizýge daıyn ekeni habarlanǵan.