Kýba úkimeti jarty mıllıon memlekettik qyzmetkerdi jumystan bosatady
ASTANA. Qyrkúıektiń 14-i. QazAqparat - Kýba Memlekettik keńesiniń tóraǵasy Raýl Kastro úkimettiń kelesi jyldyń basynan bastap jarty mıllıondaı memlekettik qyzmetkerdi jumystan bosatýdy josparlap otyrǵanyn jarııa etti.
Kastronyń aıtýynsha, jumystan bosatylǵandar jeke bıznesti júrgizýge salynǵan tyıymdardyń jeńildetilýiniń arqasynda jańa jumys oryndaryn taba alady, dep habarlaıdy «Azattyq» radıosy.
Ekonomıka salasyndaǵy bul jańa sharalar, Kýba ekonomıkasynyń kúshi kete bastaǵany týraly Fıdel Kastronyń málimdemesinen birneshe kúnnen keıin jarııalanyp otyrǵanyn aıta ketý kerek.
