Kýba óz azamattarynyń shetelge shyǵýyna ruqsat berdi
ASTANA. 17 qazan. QazAqparat - Kýba óz azamattarynyń shetelge shyǵýyna ruqsat beridi, dep habarlady «Argýmenty nedelı» basylymy.
Memlekettik buqaralyq aqparat quraldarynyń habarlaýynsha, burynǵy ruqsat berý rásimi joıylady jáne kelesi jyldyń 14 qańtarynan bastap shetelge shyǵý jónindegi tártip kúshine enedi, soǵan sáıkes kóshi-qon zańnamasyna ózgerister engiziledi.
Qazirge deıin Kýba azamattary uzaqqa sozylatyn jáne qymbatqa túsetin ruqsat alý úderisinen ótýge tıis bolyp keledi, al dıssıdentterge shetelge shyǵýǵa múldem ruqsat joq.
Ruqsat berý rásimin joıý birqatar reformalar jasaǵan prezıdent Raýl Kastronyń sońǵy sheshimi.
Araldyń turǵylyqty halqy qujattaryn jańartpaı-aq shetelde 24 aı bolýyna, ıaǵnı eki jylǵa múmkindik berilmek. Al buǵan deıin olardyń 11 aı ǵana bolýyna ruqsat etilgen.
Budan buryn Kýbada shetelge shyǵýǵa tyrysqan adamdar satqyndar jáne revolıýtsııa jaýlary retinde qaraldy. Degenmen sheneýnikter kóptegen kýbalyqtardyń jekonomıkalyq sebeptermen elden shyǵýǵa talpynýyna túsinistikpen qaraıdy jáne budan eldiń qarjylaı paıda tabýy jáne otanyna oralǵandardyń bilikti azamattar bolyp shyǵýy ábden múmkin.
Degenmen Kýbada áli de «adamı kapıtaldy» qorǵaýǵa mańyz berilgen, joǵary bilikti kásipqoılardyń, dárigerlerdiń shetelge shyǵýy ońaıǵa túspeıdi.
