Kýba koronavırýsqa shaldyǵýdyń alǵashqy úsh oqıǵasyn rastady
GAVANA. QazAqparat – Sársenbi kúni Kýba elde koronavırýsqa shaldyǵýdyń alǵashqy úsh oqıǵasyn rastady. Memlekettik telearna aýrý belgileri dúısenbi kúni Gavana áýejaıyna ushyp qonǵan tórt ıtalıandyq týrısten anyqtalǵanyn habarlady. Budan keıin olar eldiń ońtústigindegi Trınıdad qalasyna jol júrgen. Kelesi kúni barlyǵy aýrýhanaǵa jetkizildi, dep habarlaıdy QazAqparat Reuters-ke silteme jasap.
Aýrýhanada úsh týrısten alynǵan synamalar koronavırýstyń oń nátıjesin bergenin rastady.
Sońǵy 10 kúnde Kýba jumys oryndary, qoǵamdyq jerlerde jınalys ótkizip, sondaı-aq memlekettik buqaralyq aqparat quraldarynyń kómegimen ınfektsııanyń taralýyna qarsy naýqan júrgizgen.
26 aqpan kúni Brazılııada bul aýrýǵa shaldyǵýdyń birinshi oqıǵasy anyqtalǵannan beri Latyn Amerıkasynda 100-ge jýyq koronavırýs juqtyrý oqıǵasy tirkelgeni atap ótiledi.
