Kýba energetıkalyq daǵdarysqa tap boldy: elde jappaı jaryq óship jatyr
ASTANA. KAZINFORM — Kýbada elektr qýaty qaıta-qaıta óship jatyr. Mektepter men zaýyttar jumysyn toqtatýǵa májbúr, tipti aýrýhanalar da energııany únemdeý úshin jumys ýaqytyn qysqartyp jatyr, óıtkeni jaryq qory is júzinde taýsylǵan, dep habarlaıdy BILD.
El sońǵy onjyldyqtardaǵy eń aýyr daǵdarystardyń birin bastan keshirip jatyr.
Venesýela endi Kýbaǵa munaı jetkizbeıdi. Kýba ekonomıkasynyń kúretamyry kesildi, saldarynan sotsıalıstik memleket tunshyǵyp barady.
Kýbalyqtardyń kúndelikti ómiri qarańǵylyqqa endi. Elektr qýatynsyz zaýyttar, mektepter men aýrýhanalardyń qalypty jumysy múmkin emes, al týrızm salasy — Kýbanyń sońǵy iri tabys kózi — quldyrap barady. Áýe kompanııalary reısterdi toqtatyp jatyr, avıaotyn tapshylyǵy sezilip otyr.
Jaqyn arada azyq-túlik te taýsylýy múmkin degen qaýip bar, mundaı jaǵdaıda halyq kóteriliske shyǵýy yqtımal.
Aıta ketelik Kýba janarmaı tapshylyǵyna baılanysty sıgara jármeńkesin keıinge qaldyrǵan edi.