Kýba eli tarıhynda tuńǵysh ret týrısterdi qabyldaýdan rekordtyq kórsetkishke qol jetkizdi
ASTANA. QazAqparat - Kýba eliniń tarıhynda tuńǵysh ret atalmysh elge ótken 2014 jyldyń ishinde úsh mıllıon sheteldik týrıst barǵan. Bul týraly araldyq memlekettiń týrızm mınıstrligi habarlady.
"30 jeltoqsan kúni elde úsh mıllıon týrıstiń qabyldanǵany belgili boldy. Bul bizdiń elimiz úshin rekordtyq kórsetkish, ol ótken jylmen salystyrǵanda 5,3%-ǵa artqan", delingen vedomstvonyń habarlamasynda. Kýbaǵa aǵylǵan týrısterdiń negizgi legi Kanadadan bolǵan, 30 jeltoqsan kúni de úsh mıllıonynshy týrıst osy elden barǵan. Soltústikamerıkalyq memleketten soń týrısterdi qabyldaý jaǵynan Ulybrıtanııa, Argentına, Germanııa, Frantsııa men Ispanııa kósh bastap tur, dep habarlaıdy sheteldik BAQ.
