Kýba AQSh-tyń gýmanıtarlyq kómek týraly málimdemesin joqqa shyǵardy
ASTANA. KAZINFORM — Kýba AQSh memlekettik hatshysy Marko Rýbıonyń Vashıngton Kýbaǵa 100 mıllıon dollar kóleminde gýmanıtarlyq kómek usyndy degen málimdemesin teriske shyǵardy, dep jazady Sınhýa.
Kýbanyń Syrtqy ister mınıstri Brýno Rodrıges X áleýmettik jelisinde Marko Rýbıo jalǵan aqparat taratyp otyr dep málimdedi. Onyń aıtýynsha, mundaı sózder Gavanaǵa qarsy áreketterdi aqtaý úshin aıtylǵan.
Buǵan deıin Marko Rýbıo jýrnalısterge AQSh-tyń katolıktik qaıyrymdylyq uıymy Caritas arqyly Kýbaǵa 6 mıllıon dollar kóleminde gýmanıtarlyq kómek kórsetkenin jáne Kýba úkimetine qosymsha 100 mıllıon dollar usynǵanyn, alaıda Gavana bul usynystan bas tartqanyn aıtqan.
Al Brýno Rodrıges bul málimdemege jaýap berip: «Bul qarajat qaıda? Ol ne úshin paıdalanylmaq boldy?» dep jazdy. Sonymen qatar, ol AQSh tarapynan júrgizilip otyrǵan ekonomıkalyq qysym Kýbaǵa mıllıardtaǵan dollar shyǵyn keltirip otyrǵanyn atap ótti.
Osyǵan deıin AQSh prezıdenti Donald Tramp halyqaralyq shıelenis kúsheıip turǵan kezeńde Kýba týraly pikir bildirip, elde «jaqyn arada bılik aýysýy múmkin» ekenin aıtty.
