Kýáıt ámiri el Premer-mınıstrin qaıta taǵaıyndady
ASTANA. 6 sáýir. QazAqparat - Kýáıt ámiri Sabah ál-Ahmed as-Sabah óz týysy Naser ál-Muhammed as-Sabahty Premer-mınıstr etip qaıta taǵaıyndap, burynǵy kabınet ókilettiginiń toqtaýyna baılanysty oǵan jańa úkimetti jasaqtaý týraly tapsyrma berdi.
Ámirdiń osyndaı sheshim qabyldaıtynyn jurtshylyq aldyn-ala boljaǵan bolatyn. Esterińizge sala keteıik, bılik júrgizýshi as-Sabah áýletiniń músheleri bolyp tabylatyn úsh mınıstrden Parlamenttiń «jaýap alýyna» jol bermes úshin, 31 naýryzda úkimet tolyq quramda otstavkaǵa ketken bolatyn. Úkimetti aýystyrý - Kýáıttiń saıası ómirinde jıi bolyp turatyn qubylys jáne bul úrdis eldiń OPEK aıasyndaǵy mindettemesine ádette áserin tıgize qoımaıdy.
Sheıh Naser as-Sabah úkimetti sońǵy 5 jyl boıy basqaryp keledi. Osy aralyqta onyń úkimeti otstavkaǵa alty ret ketip, al ózi premerlikke qaıta taǵaıyndalyp keledi. Kýáıt ámiri Parlament pen Úkimettiń arasyndaǵy kıkiljińderde únemi úkimetti jaqtaıdy, ásirese , eger problema áýlet músheleriniń bireýine qatysty týyndap jatsa. Atap aıtqanda, 2009 jyly 17 naýryzda úkimet, el premeriniń Parlament aldynda jaýap berýine jol bermes úshin, kezekti otstavkaǵa ketken bolatyn.
