Qýatty jer silkinisinen zardap shekken Gaıtı turǵyndaryna taǵy da qaýip tóndi
Jeksenbi kúni Gaıtıdiń qutqarý qyzmeti sońǵy derekter boıynsha jer silkinisinen elde 1297 adamnyń qaza tapqanyn habarlady. 6 myńnan astam túrli dárejede jaraqat alǵan. Gaıtıdiń qutqarý qyzmetiniń basshysy Djerrı Chandler óńirdegi aýrýhanalar jaraqat alǵan adamdarǵa toly ekenin habarlady. CNN telearnasy aýrýhanada oryn jetispeýshiligi saldarynan medıtsına mamandaryna dalaǵa shatyr qurýǵa týra kelgenin habarlady.
«Qazirgi basty másele - medıtsınalyq qajettiliktermen qamtamasyz etý. Biz jer silkinisinen zardap shekkender jatqan aýrýhanalardyń qyzmetkerlerine dári-dármek jiberip jatyrmyz. Shuǵyl kómekti qajet etetin adamdardy evakýatsııaladyq. Adamdardy evakýatsııalaý búgin de erteń de jalǵasady»,- dedi baspasóz máslıhatynda Gaıtıdiń Premer-Mınıstri Arıel Anrı.
Zilzalanyń oshaǵy Ptı-Trý-de-Nıpp qalasynan shamamen 8 km qashyqtyqta bolǵan, jer silkinisiniń magnıtýdasy 7,2. Zilzalanyń dúmpýi Gaıtıdiń adamdar tyǵyz qonystanǵan astanasy Port-o-Prense (125 qashyqtyqta) men kórshiles elderde de sezilgen.
Qazir óńirde jer dúmpýleri qaıtanalýda. Olardyń eń qýattylarynyń biri senbi kúni keshkisin boldy.
AQSh-tyń geologııalyq qazmetiniń derekterinshe, jer dúmpýiniń qýaty 5,8 ball bolǵan. Onyń saldarynan qanshalyqty shyǵyn kelgeni ázirge belgisiz.
Premer Anrı apat bolǵan aımaqty tikushaqpen sholyp shyǵyp, aımaqta 1 aıǵa tótenshe jaǵdaı jarııalady.
Jer silgingen aımaqta qutqarý jumystaryna taǵy bir qaýip kedergi keltirýi múmkin.
Meteorologtardyń habarlaýynsha, Gaıtı «Greıs» daýylynyń traektorııasynda tur, sol sebepti dúısenbi nemese seısenbi kúnderi bul aımaqta óte mol kólemde nóser jaýyn jaýyp, sý tasyp, kóshkin júrýi múmkin.
Osyǵan deıin Gaıtıde jer silkinisinen 29 adamnyń qaza tapqany habarlandy.
