Qýatty jer silkinisine baılanysty tótenshe jaǵdaı jarııalandy
ASTANA. QazAqparat - Kalıfornııa shtatynyń gýbernatory Djerrı Braýn qýatty jer silkinisiniń oryn alýyna baılanysty tótenshe jaǵdaı jarııalady, dep habarlaıdy Associated Press.
Aıta keteıik, 24 tamyz kúni amerıkandyq Kalıfornııa shtatynyń astanasy Sakramento qalasynan 82 shaqyrym jerde oryn alǵan jer silkinisiniń saldarynan 87 adam zardap shekti. Aýrýhanalarǵa túrli jaraqat alǵan 90-ǵa jýyq adam shaǵymdanǵan, onyń ishinde úsh adamnyń jaǵdaıy aýyr. Olar negizinen ydys-aıaqtar men úıdegi turmystyq zattardyń qulaýynan zardap shekken. Jer asty dúmpýi saldarynan týyndaǵan alty órt aýyzdyqtaldy. Kóptegen turǵyndar jaryqsyz qaldy. Baqylaýshylar bul sońǵy 25 jyl ishindegi eń kúshti seısmıkalyq oqıǵa dep otyr.
