Qýatty Qazaqstan degenimiz - eń áýeli óńirlerdiń qýattylyǵy
ASTANA. 30 qańtar. QazAqparat - "Qýatty Qazaqstan degenimiz - eń áýeli óńirlerdiń qýattylyǵy. Eldiń bolashaǵy ekonomıkadaǵy keleshegi zor salalardyń damýymen baılanysty.
Bul úshin aldymen jańa zaýyttar kóp salynyp, jańa jumys oryndary ashylyp, áleýmettik ınfraqurylym qarqyndy damýy qajet. Shaǵyn qalalardy damytý máselesi taǵy bar», - dep málim etti Elbasy Qazaqstan halqyna Joldaýynda, dep habarlaıdy pm.kz saıty.
Oǵan qosa bir salaly shaǵyn qalalardy damytý týraly arnaıy baǵdarlama jasaý josparlanýda. Onda qalanyń ekonomıkasyndaǵy árbir naqty baǵytty ártaraptandyrý, áleýmettik salany damytý eskeriletin bolady.
«Jáne jergilikti ózin-ózi basqarýdy jetildirip, barsha jergilikti damý máselelerin sheshýge azamattardyń qatysýyn keńeıtý asa mańyzdy», - dedi Elbasy óz Joldaýynda.
Esterińizge sala keteıik, 27 qańtarda Elbasy Nursultan Nazarbaev elimizdiń 2012 jylǵy damý basymdyqtary anyqtalǵan «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna Joldaýyn jasady.
