«Qýatty agroónerkásip kesheni» ulttyq jobasyna 11,9 trln teńge jumsalmaq
ASTANA. KAZINFORM – «Qýatty agroónerkásip kesheni» atty ulttyq jobasyn bekitý týraly Úkimet qaýlysynyń jobasy kópshilik talqylaýyna shyǵaryldy. Aýyl sharýashylyǵy mınıstrligi ázirlegen qujatta 2024 – 2028 jyldarǵa arnalǵan baǵdarlamaǵa bıýdjetten 11 trln 897 mlrd 947 mln 275 myń jumsaý kózdelgen.
«Ulttyq jobany iske asyrýǵa 2024 – 2028 jyldar kezeńinde 15 722 947 273 myń teńge (onyń ishinle qaıtarymdy qarajat 10 460 000 000 nemese jalpy qarjylandyrýdyń 67%-ǵa jýyǵy) bólý kózdelgen. Respýblıkalyq bıýdjetten –9 433 503 691 myń teńge, jergilikti bıýdjet –2 464 443 581 myń teńge, bıýdjetten tys qarajat kózderinen –3 825 000 000 myń teńge tartylady», - delingen qaýly jobasynda.
Bul qarajatty aldaǵy 5 jylda mynandaı retpen ıgerý josparlanyp otyr:
2024 jyl –1 932 993 904 myń teńge;
2025 jyl –3 619 677 256 myń teńge;
2026 jyl –3 746 004 797 myń teńge;
2027 jyl –3 886 668 098 myń teńge;
2028 jyl –2 537 603 217 myń teńge.
