Qýattaýdy qajet etpeıtin smartfon satylymǵa shyǵarylmaq
ASTANA. QazAqparat - Viro startapy eki operatsııalyq júıeli smartfon shyǵarmaqshy, onyń biri 5 dıýım dıspleı jáne 20,7 MP kameraly Android bolmaq.
Gadjettiń ereksheligi sol - shyǵarýshylardyń aıtýynsha, ony qýattandyrýdyń qajeti joq, dep habarlady Mignews.
Mamandar bul smartfonnyń qupııasy nede ekenin aıtpaı otyr. Birneshe jańartylǵan energııa kózderi men birqatar energııa únemdeıtin tehnologııalar paıdalanylǵan bolýy múmkin. Mysaly, olardyń biri ekrandaǵy beıne turaqty bolsa, protsessordyń keıbir toraptaryn sóndiredi. Bul energııa tutynýdy 26 paıyzǵa qysqartýǵa múmkindik beredi.
Kún batareıasymen smartfondy Samsung pen LG shyǵardy, alaıda kúnmen qýattandyrý elementi qurylǵylarǵa akkýmýlıatorǵa energııanyń qosymsha kózi retinde ǵana usynyldy, ol bar bolǵany jumys jasaý ýaqytyn uzarta alady, al apparatty tolyq qýattandyra almaıdy.
Viro smartfonynyń tehnıkalyq sıpattamalarynda onyń Qualcomm Snapdragon 810 protsessorymen jabdyqtalǵandyǵy 5,2 dıýıım ekrany, Gorilla Glass 3 qorǵanys shyny jamylǵysy bar ekeni kórsetilgen. Kompanııada QHD asa joǵary múmkindik deńgeıin qoldanbaǵanyn aıtty, óıtkeni ol energııa tutynýdy 40 paıyzǵa ulǵaıtady.
Kamerada 20,7 MP ruqsatymen Sony sensory ornatylatyn belgili, frontaldyq kamera tunyqtyǵy 8 MP-ny quraıdy.
Viro smartfony 2015 jyly satylymǵa shyqpaq.
