Qýattandyrylyp jatqan telefon boıjetkenniń ólimine sebepshi boldy
ASTANA. QazAqparat - Domınıkan Respýblıkasynda qýattandyrylyp jatqan smartfondy qolyna almaq bolǵan boıjetken ajal qushty.
«Rosbalt»-tyń habarlaýynsha, qaıǵyly oqıǵa anasynyń kóz aldynda bolǵan.
18 jastaǵy Ioelmı Ernandestiń anasy jedel járdem shaqyrǵanymen, dárigerler qyzdyń ómirine arasha túse almady.
Anyqtalǵandaı, Ernandes qolyna telefondy alǵan sátte toktyń kerneýi kúrt artyp, qurylǵynyń plastıkalyq korpýsy balqyp ketken, al boıjetkendi elektr togy soqqan.
