«Qýat» úleskerleriniń máselesi sheshimin tabady - Elbasy
sp;ASTANA. Qarashanyń 13-i. QazAqparat /Jasulan Amanbaıuly/ - «Qýat» úleskerleriniń máselesi sheshimin tabady.
Elbasy Nursultan Nazarbaevqa tikeleı jeli barysynda «Qýat» kompanııasy úleskerleriniń tarapynan saýal túsip, jalpy problemalyq qurylys obektileriniń máselesi keńinen qozǵaldy, dep habarlaıdy QazAqprarat.
«Úkimettiń halyqqa óz qarajatynan bólip, urlyqshylardyń jymqyrǵan aqshasyn óteýi buryn-sońdy eshbir memlekette bolmaǵan oqıǵa. Olar kelisimge memleketsiz otyrdy, alaıaq jáne urlyqshy bolyp shyqqan merdigerlerdi ózderi memlekettiń qatysýynsyz tapty. Endi memleket olardyń jaǵdaıy qıyndaǵan kezinde aqsha bólip otyr. Óz elderińizge, óz memleketterińizge rızashylyqpen qarańyzdar! Memleket qoryndaǵy qarajatty bólgizgen maǵan rıza bolyńyzdar!», degen Elbasy jalpy úleskerlerdiń máselesi jiti nazarynda ekenin jetkizdi. Búgingige deıin 33 myń úlesker óz páterlerin aldy. Jyldyń sońyna deıin taǵy 15 myń adam baspanaly bolady. ıAǵnı bári 48 myń úlesker. Qalǵan obektiler kelesi jyldan qalmaı salynyp bitýi tıis. «Memleket úleskerlerdi aldaǵan alaıaqtardyń isin óz qolyna alyp, máseleni aıaǵyna deıin jetkizedi. Men bul máseleni Úkimetke tapsyramyn», dedi N. Nazarbaev.
Osy máselege túsinik bergen QR Premer-mınıstriniń orynbasary Ómirzaq Shókeevtiń aıtýynsha, baǵasy ózindik qunynan tómen bolǵan «Qýat» kompanııasynyń qurylysyndaǵy obektiler ekonomıkalyq teris jaǵdaıǵa túsip qaldy. Atap aıtqanda, páterlerdiń 95 paıyzy aldyn ala satyldy. Biraq onyń salynýyna qajetti 60-70 paıyz aqsha jetispeı jatty.
«Qazannyń 5-inde ótken komıssııa otyrysynda osy másele qaralyp, onda barlyq taraptardyń shyǵyndy teńdeı kóretindigi kelisilgen. «Qýat» kompanııasy salyp bitpegen turǵyn úılerdiń barlyq aktıvterin, jer ýchaskelerin, turǵyn úılerin arnaıy qurylǵan «Global Kotrakt» kompanııasyna usynady. «QazKommertsbank» 100 mln. shyǵyn kóredi. Almaty Ákimdigi turǵyn úıge kommýnıkatsııa tartýdy óz moınyna aldy. Al Úkimet bankke qurylystyń aıaqtalýyna qajetti qarajatty ornalastyrady», dedi Ó. Shókeev.
Onyń sózinen málim bolǵany «Qýat» kompanııasynyń úleskerleri 2010 jyldyń qyrkúıek aıynda bir turǵyn úı keshenininiń kiltterine ıe bolady. Al 2011 jyldyń qańtar aıyna deıin 20, 46 jáne 29 oramdary tapsyrylýy tıis.
Al jalpy úleskerlerdiń máselesin sheshý isine Ulttyq qor esebinen jáne memlekettik bıýdjetten 550 mlrd. teńge bólindi. Qurylystardy aıaqtaýdyń 9 túrli qarjylyq shemalaryn jasaldy.
