«Qýat­ty Qazaqstandy birge quramyz!» - respýblıkalyq basylymdarǵa sholý

ASTANA. 5 shilde. QazAqparat - Qazaq aqparat agenttigi respýblıkalyq basylymdarda 5 shilde, seısenbi kúni shyqqan ózekti materıaldarǵa sholýdy usynady.

***

Keshe Memleket basshysy Nursultan Nazarbaev «Qýat­ty Qazaqstandy birge quramyz!» atty forým-kór­mege qatysty. Osyǵan oraı «Egemen Qazaqstan» gazetinde «Qýatty Qazaqstandy birge quramyz!» degen taqyryppen kólemdi maqala jarııalandy. Basylymnyń atap ótýinshe, forým Astanadaǵy «Kórme» or­talyǵynda ótti. Oǵan elimizdiń bar­lyq óńirinen 800-den astam adam keldi. Prezıdent aldymen 139 qa­zaqstandyq taýar óndirýshiler men qyzmet kórsetýshilerdiń taýarla­ry usynylǵan «Qazaqstandyq qam­­tý-2011» atty kórmeni aralap kó­rip, 2011 jyldyń birinshi jar­ty­jyl­dyǵynda iske qosylǵan Qazaq­stan­nyń ındýstrııalandyrý karta­synyń jobasymen tanysty jáne joba boıynsha oblystar ákim­de­riniń esepterin tyńdady. Prezıdentke jalpy quny 114 mlrd. teńgeni quraıtyn Indýs­trııa­la­n­dy­rý kartasynyń 75 ın­vestıtsııa­lyq nysany tanysty­ryldy. Bul óndiristerdiń ashy­lýy­men qatar 9 myńnan astam ju­mys orny qury­latyn bolady.

«Memleket basshysy Nursultan Nazarbaev «Astana qalasynyń jańa kólik júıesi» jobasy iske asyryla bastaýyna oraı kapsýlany qalaý rásimine qatysty», - dep jazady «Egemen Qazaqstan» gazeti. Jalpy uzyndyǵy 41,81 sha­qyrymdyq jobany 3 kezeńde jú­zege asyrý josparlanǵan: «Áýe­jaı - Ábý-Dabı Plaza» baǵyty boı­ynsha 1-shi kezeńi, «Ábý-Dabı Plaza - Temir jol vokzaly» ba­ǵy­tyn­da 2-shi kezeńi, «Temir jol vokzaly - Ábý-Dabı Plaza» ba­ǵy­tynda 3-shi kezeńi iske asy­ryl­maq. Astana qalasynyń ákimdigi ta­ra­pynan arnaıy «Astana LRT» JShS kom­panııasy quryldy. Bul kompanııa jeńil relsti tramvaı qury­lysy men jobalaýǵa tapsy­rys berýshi retinde qurylyp otyr. Maqala «Júrdek tramvaı júıtkıtin boldy» degen taqyryppen berilgen.

***

Keshe Táýelsizdik saraıynda ІІ Halyqaralyq taý-ken-metallýrgııa Kongresi sheńberinde Qazaqstan Respýblıkasynyń Prezıdenti N.Á. Nazarbaevtyń «XXІ ǵasyrdaǵy turaqty damýdyń ǵalamdyq energoekologııalyq strategııasy» atty kitabynyń tusaýkeser rásimi bolyp ótti. Bul kitap avtordyń aldaǵy eńbekteriniń qısyndy jalǵasy bolyp, 2012 jyldyń «RIO-20» Turaqty damý boıynsha dúnıejúzilik sammıtine ózindik erekshe joldaý bolyp tabylady. Sonymen qatar álem jáne EýrAzEQ elderiniń ǵalamdyq energetıkalyq jáne ekologııalyq qaýipsiz damýyn qurý máselelerin teorııalyq jáne ádistemelik zertteýleri tsıklynyń aıaqtalýy bolyp tabylady. Osy jaıt arqaý bolǵan maqala «Aıqyn» gazetinde «Baǵdardy kórsetken baıandy eńbek» degen taqyryppen berilgen.

«Aıqyn» gazetiniń jazýynsha, aqtóbelik eki polıtseıdi atyp ketken alty kúdikti izdestirilip jatyr. Shubarshy aýylyna juma kúni kúdiktilerdi ustaý úshin oblystyq ІІD, ishki ásker jasaqtary men «Suńqar», «Búrkit», «Arlan», «SOBR» arnaıy toptary jumyldyryldy. Sonymen qatar áýe tehnıkasy bólindi. Olardy ustaý kezinde arnaıy jasaq sarbazy Rýslan Joldybaev qaza tapty, úsheýi oblystyq jedel járdem aýrýhanasynda em qabyldap jatyr. Oqıǵanyń mán jaıyn bilgińiz kelse, «Alty kúdikti izdestirilip jatyr» degen maqalaǵa kóz júgirtińiz.

***

Keshe elordadaǵy «Kórme» kesheninde ótken «Qýatty Qazaqstandy birge quramyz» atty ındýstrııalyq-ınnovatsııalyq forýmǵa oraı «Alash aınasy» gazetinde «Qazaqstanda jasalǵan» taýarlardy kóptep shyǵarý barshamyzdyń mindetimiz» degen taqyryppen kólemdi maqala jarııalandy. «Biz básekege qabiletti 50 eldiń arasyna kiremiz dedik. Mine, búgin taǵy da bir qadam soǵan jaqyndap otyrmyz. Ekinshiden, búgingi kórmege Qazaqstanda atqarylyp otyrǵan sharalardyń barlyǵy qoıylyp otyr. Oǵan 139 otandyq taýar óndirýshiler qatysýda. Sondyqtan jyldan jylǵa «Qazaqstanda jasalǵan» degen taýarlar shyǵarýdy arttyrý barshamyzdyń mindetimiz», - degen Elbasy forým barysynda.

***

«Kazahstanskaıa pravda» gazetiniń jazýynsha, Memleket basshysy Nur­sul­tan Nazarbaev Qyrǵyz Res­pýb­lı­kasynyń Premer-mınıstri Almazbek Atambaevty qabyl­da­dy. Kezdesý barysynda birqatar ekijaqty yntymaqtastyq máse­leleri talqylandy. «Biz árqashan Qazaqstannyń, Qazaqstan Prezıdentiniń - qur­metti Nursultan Ábishuly Nazar­baevtyń baýyrlastyǵyna arqa súıep kelemiz. Bizdiń aramyzda jaqsy qarym-qatynastar qalyptasqan. Qazaqstan Prezıdentinen úırenerimiz kóp. Men Prezıdent tańdaýda Qazaqstannyń óte joly bolǵanyn jıi aıtatynymdy ja­syr­ǵym kelmeıdi. Buǵan Astana qalasy dálel bolyp tabylady», - dedi A.Atambaev jýrnalısterge arnalǵan brıfıngte.