«Qýat» qurylys kompanııasynyń basshysy Hrapýnovpen qalaı mámilege kelgenin aıtty
ALMATY. QazAqparat - Almatyda qylmystyq ister boıynsha mamandandyrylǵan aýdanaralyq sotta «Qýat» qurylys kompanııasynyń basshysy Oleg Nam Hrapýnovpen qalaı mámile jasasqanyn aıtyp berdi, dep habarlaıdy QazAqparat tilshisi.
Kompanııa basshysy Almatyda kópqabatty úı salý úshin VıktorHrapýnovqa para bergenin aıtty.
Aıyptaý aktisine sáıkes, Vıktor Hrapýnov «Qýat» qurylys kompanııasynyń basshysy Oleg Namnan eki ret para alǵan.
Óz kezeginde eks-ákim Gogol-Panfılov pen Dostyq-Joldasbekov kósheleriniń qıylysynda turǵyn úı salýǵa ruqsat bergen. Ol úshin Hrapýnov kompanııadan birneshe páter men bólme alǵan. Sonymen qatar, úlestik qurylys protsesine «qatysqan».
«2002 jyly 25 qarashada Nam Oleg Hrapýnovtardyń zańsyz talaptaryn oryndaı kele joǵarydaǵy múlikterdi para retinde bergen», - delingen aıyptaý aktisinde.
Oleg Nam Dostyq kóshesindegi úıdi salǵanda Hrapýnovqa 5 páter syıǵa berilgenin aıtty.
«Jalpy aýmaǵy 713 sharshy metr bolatyn 5 3-bólmeli páter 48 166 myń teńgege baǵalanǵan. Qabyldaý týraly kelisimshart «Swiss Kazakh Phoenix Holding» kompanııasymen jasalǵan. 2006 jyly bul páterlerdi qaıta satyp alýǵa ruqsat berildi. Bul mámile bolatyn. Onyń zańdy nemese zańsyzdyǵy qarjy polıtsııasynyń quzyrynda. Men tek bıznestiń múddesin qorǵadym. Eger men sol páterlerdi bermesem, turǵyn úı salýǵa jer de, ruqsat ta ala almas edim», - dedi Oleg Nam.
Sonymen qatar, mámileniń sharttary oryndalmaǵan. ıAǵnı, Leıla Hrapýnova úleskerlik qurylysqa qarjy salmaǵan.
«Úleskerlik qatysýshy barlyǵy 55 mln 510 myń 245 teńgege qujattardy formaldy túrde ótkizgen, bas merdiger qabyldap alǵan. Alaıda, bul qyzmet kórsetilmegen», - delingen aktide.
Kýáger Leıla Hrapýnovamen kezdeskenin aıtty.
«Qyzmettik qarym-qatynasta boldyq. Bar-joǵy 2 ret kórdik bir-birimizdi. Ol meni kompanııa ókilderimen tanystyrdy. Odan ári barlyq qujattarǵa onyń ókilderi qol qoıdy. Barlyq qoıylǵan sharttardy oryndadyq. Páterler men bólmeler berildi. Bul jerde bıznestiń jumysyna nuqsan keldi. Eshkim bızneske mámileden tys eshqandaı talap qoımaýǵa tıis», - dedi Oleg Nam.
Aıta ketý kerek, munyń aldynda Hrapýnovtardyń isi boıynsha 9 kýáger suralǵan bolatyn. Olardyń qatarynda Qýandyq Bıskýltanov, Altaı Qasymov, ıAkov Zaıats, Abaı Saparov, Serik Esmuqanov, Aııar Ilıasov, Aınagúl Sadyqbaeva, Abdýl-Ǵazız Muqashev, Abylaıhan Qarymsaqov, Ǵabıden Qaıymsultanov bar.
