«Qýat» korporatsııasynyń 6,5 myń jumysshysyna eńbekaqy berildi

Bul týraly búgin Astanada ótken brıfıngte Bas prokýratýranyń resmı ókili Jandos Ómirálıev málim etti.

«Eńbek salasyndaǵy ahýalǵa jasalynǵan taldaý barysynda elimizdegi jalaqy boıynsha bereshektiń jartysy «Qýat» korporatsııasyna tıesili eken. Máselen, 2010 jylǵy jeltoqsan aıynda osy kásiporynnyń jalaqy boıynsha bereshegi 1,7 mlrd. teńgeni quraǵan. Bul rette, shamamen 20 myń jumysshynyń quqyqtaryna nuqsan keltirildi»,-dedi resmı ókil.

Bas prokýratýra osy máseleni sheshý maqsatynda el Úkimetimen birlesip tıisti sharalardy qabyldaǵanyna toqtalǵan ol: «Atap aıtqanda 3 mlrd. teńge Úkimettiń rezervinen qarastyryldy. Sebebi «Qýat» korporatsııasy Almatydaǵy Shyǵys aınalma jolyn salý barysynda memlekettiń paıdasyna jer telimderin satyp alǵan bolatyn. Al qazirgi kezde bul jer telimderi memlekettiń balansynda»,-dedi.

ıAǵnı, atalǵan korporatsııanyń Shyǵys aınalma jolynyń qurylysyn salǵan kezde 3 mlrd. teńgeden astam somadaǵy shyǵystaryn óteý qamtamasyz etildi.

«Endi osy kelip túsken shyǵystar ótemaqy retinde «Qýat» korporatsııasynyń jumysshylary aldyndaǵy bereshegin óteýge baǵyttalatyn bolady. Qabyldanǵan sharalardyń nátıjesinde qazirgi kezde 6,5 myń jumysshyǵa 870 mln. teńgeden astam somadaǵy jalaqy boıynsha bereshek óteldi»,-dedi J. Ómirálıev.

Al qalǵan 13,5 myń jumysshyǵa eńbekaqy boıynsha bereshek aldaǵy ýaqytta tolyǵymen óteletin bolady.