«Qýat» kompanııasy qurylysy aıaqtalmaǵan turǵyn úı nysandarynyń barlyq aktıvin arnaıy qurylǵan jobalyq kompanııaǵa beredi - Ó. Shókeev
Y. Qarashanyń 13-i. QazAqparat /Erlik Erjanuly/ - «Qýat» kompanııasynyń qurylysy aıaqtalmaǵan turǵyn úı nysandarynyń jobalary 2011 jyldyń qańtaryna deıin paıdalanýǵa beriledi.
Bul týraly búgin Elbasynyń tikeleı jeli arqyly halyqpen suhbattasýy kezinde aıtyldy, dep habarlaıdy QazAqparat.
Almatylyq Vladımır Býller esimdi úlesker «Qýat» kompanııasynyń turǵyn úı nysandarynyń paıdalanýǵa berilýine baılanysty saýal joldaǵan edi. Qarashanyń 5-i kúni bul máselege baılanysty memlekettik komıssııanyń otyrysy ótkenin aıtqan Úkimet basshynyń birinshi orynbasy Ómirzaq Shókeev «Qýat» kompanııasynyń qurylysy aıaqtalmaǵan nysandaryndaǵy barlyq aktıvteri jańadan qurylǵan «Global kontrakt» jobalyq kompanııasyna berilgenin aıtty. Buǵan deıin bul nysandarǵa kommýnıkatsııalyq júıeni júrgizý nysan ıeleriniń esebinen bolýy tıis edi. Endi bul jumysty qalalyq ákimdik qolǵa alatyn boldy. Keste boıynsha Úshtóbe turǵyn úı kesheni - 2010 jyldyń qyrkúıegine, al 20, 29, 46 úıler kesheni 2011 jyldyń qańtaryna deıin paıdalanýǵa berilmek.
