Qýat Hamıtovqa qatysty sot úkimi shyqty
ALMATY. QazAqparat – Almaly aýdandyq soty aralas jekpe-jek sheberi Qýat Hamıtovqa qatysty sot úkimin shyǵardy, dep habarlaıdy QazAqparat tilshisi.
Protsess onlaın rejımde ótti.
«Qýat Hamıtovty QR QK 272-babynyń 3-bólimimen aıypty dep taýyp, 6 aıǵa bas bostandyǵyn shekteý týraly úkim shyǵaryldy», - dedi sýdıa.
Aıyptalýshy sot úkimine 15 kún ishinde apellıatsııalyq shaǵym túsire alady.
Onyń aldynda sportshy sońǵy sózin aıtqan bolatyn. Ol shetelge shyǵýǵa tyıym salmaýyn ótingen edi.
Qýat Hamıtov QR QK 272 babynyń 3-bólimi boıynsha (bılik ókiline baǵynbaýǵa shaqyrý, jappaı quqyqbuzýshylyqqa tartý, arandatý, azamattarǵa kúsh qoldanýǵa shaqyrý) qozǵalǵan is Almaly aýdandyq sotynda qaralyp jatyr.
Aıta ketý kerek, byltyr qyrkúıekte qazaqstandyq aralas jekpe-jek sheberi Qýat «Naıman» Hamıtov polıtsııa bólimshesine jetkizilgen bolatyn.
Ol áleýmettik jelide bılikke qarsy kúsh qoldanýǵa shaqyrǵan. Atalǵan derek boıynsha Qylmystyq kodekstiń 272-baby 3-bólimimen is qozǵaldy.
