Qýat Hamıtov salmaǵyn arttyryp jibergeni úshin eskertý aldy
ASTANA. QazAqparat - MMA uıymynda óner kórsetip júrgen qazaqstandyq Qýat «Naıman» Hamıtov qarsylasynan aýyr bolyp shyqty, dep habarlaıdy QazAqparat tilshisi.
Búgin otandasymyz Hamıtov jeńil salmaq boıynsha álem chempıony ataǵy úshin jekpe-jekke shyǵady. Aıqas Reseıdiń Vladıvostok qalasynda ótedi. FIGHT NIGHTS GLOBAL 63 aıasyndaǵy týrnır Astana ýaqyty boıynsha saǵat 15:00-de bastalady. Qarsylasy - jergilikti sportshy - Magomedsaıgıd Alıbekov.
Salmaq ólsheý rásiminde Hamıtov qarsylasynan aýyr bolyp shyqty. Salmaǵy - 71,7 keli. Al qarsylasynyń salmaǵy - 70,7 keli.
Endi ereje boıynsha Hamıtov salmaǵyn arttyryp jibergeni úshin jekpe-jegin resmı eskertýden bastaıdy. Bul tóreshiler kestesindegi bir upaıy shegeriletinin bildiredi.
