Qýat Hamıtov reseılik sportshyny tunshyqtyrý ádisimen jeńdi

MÁSKEÝ. QazAqparat - Aralas jekpe-jek sheberi qazaqstandyq Qýat Hamıtov Máskeýde ótken Fight Nights Global 98 týrnırinde reseılik Ahmad-Han Bokovpen aıqasty, dep habarlaıdy QazAqparat Sports.kz saıtyna silteme jasap.

Bul aralyq salmaqtaǵy jekpe-jek Hamıtovtyń merziminen buryn jeńisimen aıaqtaldy: ol birinshi raýndta tunshyqtyrý ádisimen jeńdi.

Bul - Qýat Hamıtovtyń kásibı mansabyndaǵy 19-shy jáne sońǵy tórt jyldaǵy alǵashqy jeńisi. Ahmad- Han Bokov MMA-da besinshi ret súrindi. Fight Nights Global-dyń YouTube resmı kanalynda jekpe-jektiń tolyq nusqasy kórsetildi.

32 jasar qazaqstandyq 2019 jyldyń sáýir aıynda ázerbaıjandyq Narıman Abbasovtan (24-3) jeńilis tapqannan keıin rıngke shyqpaǵan. Hamıtovtyń sońǵy jeńisine keletin bolsaq, ol 2016 jyldyń 16 jeltoqsanynda boldy —sabmıshnmen úshinshi raýndta reseılik Gadjı Rabadanovty jeńdi (14-3-1). Osydan keıin Qýat 2017 jyly ırlandııalyq Pıter Kýıllıden (12-5-1) basym túsken edi, biraq keıinnen bul jekpe-jektiń nátıjesi qaıta qaralyp, ekeýi teń tústi delindi.