Qýat Hamıtov oktagonǵa oraldy
NUR-SULTAN. Qazaqparat – Aralas jekpe-jek sheberi qazaqstandyq Qýat Hamıtovtyń kelesi jekpe-jegi oktagonǵa oralatynyn jarııa etti, dep habarlaıdy QazAqparat tilshisi.
«14 jeltoqsan. Sochı. Qýat Hamıtov (20-6) vs Rýslan Tedeev (12-2)», - dep jazdy qazaqstandyq sportshy Instagram-daǵy paraqshasynda.
Aıta ketsek, reseılik Rýslan Tedeev kásipqoı karerasyn 2016 jyly bastaǵan. Osy ýaqytqa deıin GT, ICFC, Union of Mixed Martial Arts týrnırlerine qatysyp, birneshe márte jeńiske jetken. Khas-Magomed Yýsýpov, Ekper Gadjıkperov, Edrıan Grech qatarly faıterlerge qarsy aıqas ótkizgen.
Aıta ketsek, Qýat Hamıtovtyń sońǵy jekpe-jegin 2019 jyldyń basynda ázerbaıjandyq Narıman Abbasovpen ótkizip, tóreshilerdiń sheshimimen jeńilgen bolatyn. Onyń aldynda 2017 jyly ırlandyq Pıter Kýıllımen (10-4-1) ótkizgen edi. Ol joly tóreshilerdiń basym daýsymen jeńiske jetkenimen, Kýlıllıdiń komandasy apellıatsııaǵa berip, táýelsiz komıssııa upaı sanyn qaıta eseptep, aıqasty teń ótti dep ózgertti.
