Qýat Hamıtov Atyraýda aralas jekpe-jekten ótken týrnırde jeńiske jetti
ATYRAÝ. QazAqparat – Qazaqstandyq aralas jekpe-jek sheberi Qýat Hamıtov (24-7-2) Atyraýda Mergen Fighting Championship 4 týrnırine qatysyp, qarsylasyn jeńip shyqty, dep habarlaıdy QazAqparat Sports.kz saıtyna silteme jasap.
Qýat Hamıtovtyń qarsylasy ózbekstandyq Bobýr Abdýlazızov (12-9) boldy.
Aıta keteıik, Qýat reseılik Akop Stepanıanǵa (27-13) qarsy shyǵýy kerek bolatyn. Ókinishke qaraı reseılik Qazaqstanǵa kele almady.
Qýat Hamıtov pen Bobýr Abdýlazızovtyń kezdesýi orta salmaqta boldy jáne ol úsh raýndqa sozylýy tıis edi. Alaıda qazaqstandyq sportshy qarsylasyn ekinshi raýndta býyndyrý ádisimen jeńdi.
Qýat Hamıtov kásibı mansabyndaǵy 25-shi jeńisine qol jetkizdi. Al Bobýr Abdýlazızov 10-shy ret jeińiliske ushyrady.
