Qýat Hamıtov Arman Ospanovty jeńgen brazılııalyqtan kek almaq
ASTANA. QazAqparat - Qazaqstandyq aralas jekpe-jek sheberi Qýat Hamıtov otandasy Arman Ospanovtyń (8-1) brazılııalyq Tıago Lýıs Bonıfasıo Sılvadan (13-5) jeńilip qalǵanyna yzaly, dep habarlaıdy Sports.kz.
«Eki apta buryn jergilikti uıymdastyrýshylar maǵan Qazaqstanda aıqas ótkizýdi usyndy. Men oǵan asa qyzyǵa qoıǵan joqpyn, biraq brazılııalyqtyń búgingi jeńisinen keıin qyzyǵa bastadym jáne jerlesimizdiń kegin qaıtarýdy qalaımyn! Jeńil salmaqtaǵy Qytaıdyń úzdik aralas jekpe-jek sheberiniń aıqasyn kórsetetin ýaqyt keldi! Uıymdastyrýshylar, osy jekpe-jekti uıymdastyryńyzdar!» - dep jazdy Hamıtov Instagram paraqshasynda.
Eske sala keteıik, Ospanov keshe Almatyda ótken MMA Absolute Championship Berkut 69 jekpe-jek keshinde brazılııalyq Sılvadan jeńilip qalǵan bolatyn. Bul Armannyń óz mansabyndaǵy alǵashqy jeńilis boldy.
