Qýat Hamıtov «Alash praıdtan» ketkenin habarlady
ALMATY. QazAqparat - Tanymal qazaqstandyq sportshy Qýat Hamıtov «Alash praıd» klýbynan ketti. Bul týraly ol Instagram áleýmettik jelisindegi jeke paraqshasynda habarlady.
«Qymbatty dostarym, «Alash praıd» klýbynan ketetinim týraly resmı jarııalaǵym kelip otyr. Endi MMA arenalarynda bul klýbtyń atynan shyqpaımyn. Klýbqa barlyǵy úshin rahmet! Endi Qazaqstan úshin shyǵamyn, múmkin, «Naiman team» atty jeke klýbymdy ashamyn», - dep jazdy Q.Hamıtov. Sportshy klýbtan ketý sebebin ataǵan joq.
Buǵan deıin habarlanǵandaı, 2014 jyldyń jeltoqsan aıynda Q.Hamıtov álemdegi eń úzdik uıymdardyń biri - ONE FC-men kelisimshartqa qol qoıyp, MMA álemdik arenasyna ótken Qazaqstannyń birinshi sportshysy boldy. ONE FS - 2011 jyly Sıngapýrda qurylǵan Azııalyq sporttyq uıym.
