Qýanyshty áli sezine almaı turmyn - Azıada chempıony ıAn Savıtskıı
«Men bul jarysqa Eýropadan shamaly ýaqyt buryn ǵana úshyp keldim. Segiz saǵat ushaqta otyrý da ońaı emes. Onyń ústine, bar kúsh-jigerimdi álem chempıonatynda sarqyp qoıdym. Biraq, búgin jolym bolyp, chempıon atandym. Bul meniń ǵana jeńisim emes, Qazaqstannyń ortaq jeńisi», - dep atap ótti chempıon.
Sonymen birge qazir qýanyshtyń dámin sezine almaǵanyn aıtyp ótti.
«Qazir chempıon retinde ózimdi sezinip turǵam joq. Sebebi, sharshaǵan organızmim áli uıyqtap jatyr. Qýanatyn kúnder alda ekenin bilemin. Biraq, qansha jol basyp kelsem de jeńis tuǵyrynan kórindim. Jarys barysynda azdap qatelikter jibergenimdi túsinemin, biraq ol olqylyqtar jeńiske jetýime kóp kedergi bolǵan joq. Búgingi jaýǵan qar da asa bir keri áserin tıgizbedi. osylaı qoldap jatqan barlyqtaryńyzǵa alǵys aıtqym keledi», - dedi jarystan soń ıAn Savıtskıı.
foto:Іzturǵan Aldaýev
