Qýanyshbek Ysqaqov Qyzylordadaǵy shyny zaýyty qashan ashylatynyn aıtty
«Shyny zaýyty búgingi tańda jumys istep tur. Merdiger kompanııalar kelesi jyldyń naýryzynda alǵashqy peshti iske qosyp, arada taǵy úsh aı ótkennen keıin Astana kúninde (6 shildede) alǵashqy synaq retindegi qazaqstandyq áınekti daıyndaıdy. Ázirge sheshilmegen birqatar suraq bar. Shyny zaýyty boıynsha jergilikti atqarýshy organnyń óz mindettemesi baryn aıta ketkim keledi. Ol – ınjenerlik-kommýnıkatsııalyq ınfraqurylymdy júrgizip, temirjol jelisin jetkizip berý», - dedi Qýanyshbek Ysqaqov OKQ-da ótken baspasóz máslıhatynda.
Ákimniń aıtýyna qaraǵanda, temirjol jelisin tartý jumysy – osy jyldyń jeltoqsan aıynyń ortasynda aıaqtalady.
«Biz sonymen qatar, Qyzylorda oblysynyń ındýstrıalyq kartasyn ázirledik. Onyń ataýy – «Qyzylorda oblysynyń ındýstrııalyq múmkindikteri», - dedi Qýanyshbek Ysqaqov.
Eske sala ketsek, Qazaqstan Prezıdenti Qasym-Jomart Toqaev osy jyldyń mamyrynda Qyzylorda oblysyndaǵy jumys saparynda óńir jurtshylyǵymen kezdesken kezde shyny zaýytynyń qurylysyn aıaqtaýdy tapsyrǵan bolatyn.
