Qýanyshbek Ysqaqov Baıqońyrda týrızmdi damytý joldaryn atady
Oblys basshysy Baıqońyr kesheni men qalanyń ózinde erkin ekonomıkalyq aımaq qurý jumysy júrgizilip jatqanyn aıtyp berdi.
«Biz Baıqońyrǵa qatysty erkin ekonomıkalyq aımaq tujyrymdamasyn ázirlep qoıdyq. Erkin ekonomıkalyq aımaqtyń basty baǵyttarynyń biri – týrızmdi damytý. Bizdiń respýblıkanyń týrıstik kartalarynyń ondyǵyna kiretin týrıstik-saýyqtyrý aýmaǵy bar. Ózderińiz biletindeı, Baıqońyr jabyq qala. Onda týrızm damymaǵan», - dedi Qyzylorda oblysynyń ákimi OKQ-da ótken baspasóz máslıhatynda.
Qýanyshbek Ysqaqov ol jerde erkin ekonomıkalyq aımaq qurylyp jatqannan keıin basty talaptardyń biri – halyqaralyq týrızmdi damytý bolatynyn aıtyp ótti.
«Meniń oıymsha, ol jerde týrızmdi damytý úshin jaıly jaǵdaı jasalady. Jańa nysandar boı kóterip, halyqaralyq standarttarǵa saı keletin jańa qonaq úıler, mýzeıler men pavılondar, ǵarysh zymyrandaryn baqylaýǵa bolatyn alańdar salynady», - dedi ákim.
