Qýanyshbek Esekeev «Qazaqtelekom» AQ basqarma tóraǵasy qyzmetine saılandy
ASTANA. Naýryzdyń 15-i. QazAqparat - «Qazaqtelekom» AQ basqarma tóraǵasy qyzmetine Qýanyshbek Esekeev saılandy,
dep habarlady kompanııanyń baspasóz qyzmeti.
«2010 jylǵy naýryzdyń 15-inde «Qazaqtelekom» AQ dırektorlar keńesi «Qazaqtelekom» AQ basqarma tóraǵasy qyzmetine Qýanyshbek Esekeeti saılady», - delingen kompanııanyń resmı habarlamasynda.
Qýanyshbek Baqytbekuly Esekeev 1975 jyly maýsymnyń 10-da Almaty qalasynda týǵan. 1995 jyly Ál-Farabı atyndaǵy Qazaq ulttyq ýnıversıtetin qoldanbaly matematıka mamandyǵy boıynsha bitirdi, matematıka ǵylymdarynyń kandıdaty.
Q.Esekeev 2002 jyldan beri memlekettik qyzmette. Qarjy, ekonomıka jáne bıýdjettik josparlaý mınıstrlikterinde aqparattandyrý máselelerin basqardy, QR Aqparattandyrý jáne baılanys agenttigi tóraǵasynyń orynbasary qyzmetinde boldy.
2007 jylǵy aqpannan 2010 jylǵy naýryz aıyna deıin QR Aqparatttandyrý jáne baılanys agenttiginiń tóraǵasy mindetin atqaryp keldi.
