Qýanyshbek Esekeev 5G tehnologııasyn testileý problemalaryn atady
«Qazaqstanda 5G tehnologııasyn testileý barysynda mynadaı problemalar anyqtaldy. Birinshiden, qazirgi ýaqytta 5G jelileri úshin Almaty, Nur-Sultan, Shymkent qalalarynda 3,5GGts dıapazonynda eni 100MGts bos tutas spektr joq. Retteýshi baılanys operatorlarymen jáne QR Qorǵanys mınıstrligimen birlesip, 5G jelileri úshin Almaty, Nur-Sultan, Shymkent qalalarynda 3,5GGts dıapazonynda eni 100MGts kem emes tutas spektrdi bosatý jumysyn júrgizý qajet», - dedi ol.
Ekinshiden, onyń aıtýynsha, operatorlardy yntalandyrý maqsatynda 5G boıynsha radıojıilik spektory (RJS) úshin jyl saıynǵy tólemniń mólsherlemesin qaıta qaraý kerek. RJS úshin qazirgi mólsherleme kezinde operatorǵa 5G boıynsha 100 MGts RJS-ke jyl saıyn qosymsha 9,8 mlrd teńge tóleý qajet. 2020-2024 jyldarǵa 0 teńge deńgeıinde 5G boıynsha RJS úshin jyl saıynǵy tólem boıynsha mólsherlemeni bekitý kerek.
«Úshinshiden., operatorlardy yntalandyrý maqsatynda 5G boıynsha RJS úshin birjolǵy mólsherlemeni qaıta qaraý kerek. Jıilikterdi bólý vedomstvoaralyq komıssııanyń (JBVK) aǵymdaǵy tásili kezinde operator 5G boıynsha 100 MGts RJS úshin shamamen 200 mlrd teńge tóleý kerek bolady. 0 teńgege 5G úshin 100 MGts RJS berý jaıyn JBVK-men pysyqtaý qajet. Tórtinshiden, operatorlar retteýshimen birlesip, 5G biryńǵaı ınfraqurylymdyq operatordyń amal-tásilderin qarastyrýy tıis. Óıtkeni 5G úshin jıilikter shekteýli jáne 5G jelileri úshin kapıtaldy qajet etetin ınfraqurylym qajet», - dedi Q.Esekeev.
