Qýanysh Jylqyshıev «QazTransOıl» Dırektorlar keńesinen ketti
ASTANA. 30 jeltoqsan. QazAqparat - «QazTransOıl» Dırektorlar keńesinen Qýanysh Jylqyshıev ketti. Bul týraly «Halyqtyq IPO» baǵdarlamasynyń resmı saıty habarlady.
«QazTransOıl» AQ (QTO) baspasóz qyzmetiniń málimetinshe, Q. Jylqyshıev aǵymdaǵy jyldyń 24 jeltoqsanynan bastap Dırektorlar keńesiniń múshesi retindegi óz ókiletin merziminen buryn toqtatý týraly ótinish bergen, sheshim soǵan baılanysty qabyldanǵan.
Qazir QTO Dırektorlar keńesiniń quramynda bes adam bar: Dırektorlar keńesiniń tóraǵasy, «QazMunaıGaz» AQ (QMG) ókili Nurtas Shmanov, Dırektorlar keńesiniń múshesi, QMG ókili Ardaq Qasymbek; Dırektorlar keńesiniń múshesi, QTO Bas dırektory Qaıyrgeldi Qabyldın; Táýelsiz dırektorlar Denıel Mıhalık pen Mustafa Habıb.
Sondaı-aq kompanııa dereginshe, Tabıǵı monopolııalardy retteý agenttigi (TMRA) 2014 jyldyń 1 qańtarynan bastap tómendegi munaı qubyrlary boıynsha munaı aıdaýǵa arnalǵan tarıfterdi bekitken:
«Atasý-Alashańqaı» qubyry boıynsha 1000 shaqyrymǵa tonnasy úshin 1 097,42 teńge (qosymsha qun salyǵynsyz) alynady.
«Prıırtyshsk-Atasý» qubyry boıynsha 1000 shaqyrymǵa tonnasy úshin 117,31 teńge (qosymsha qun salyǵynsyz) alynady.
Sonymen qatar, TMRA buıryǵymen 2014 jyldyń 1 aqpanynan bastap «Túımazy-Omby-Novosibir-2» magıstraldi munaı qubyrynyń qazaqstandyq ýchaskesi boıynsha tasymaldanatyn munaıdan alynatyn tarıf bekitildi, endi kóretilgen aýmaqtan 1000 shaqyrymǵa tonnasy úshin 1727,1 teńge (qosymsha qun salyǵynsyz) alynady.
«QazTransOıl» AQ «Halyqtyq IPO» baǵdarlamasynyń debıýtanty.
