Qýanysh Asylov: Qazaq tilin ınnovatsııalyq tehnologııalar negizinde oqytý kerek
ASTANA. QazAqparat - 2017 jylǵy 7 sáýir kúni Taldyqorǵan qalasynyń «Til saraıynda» «Memlekettik tildi úıretý: ádis, tájirıbe, ınnovatsııa» atty respýblıkalyq semınar ótti, dep habarlaıdy QazAqparat.
Shara memlekettik tildi oqytý ádistemelerin jetildirý maqsatynda Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń uıymdastyrýymen ótti.
Atalǵan sharaǵa Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń tóraǵasy Qýanysh Asylov, Almaty oblysy ákiminiń orynbasary Omar Jaqsylyq Muqashuly, oblystardyń tilderdi damytý basqarmalarynyń jáne barlyq memlekettik tilderdi oqytý ortalyqtarynyń basshylary, ǵalymdar, shyǵarmashylyq ıntellıgentsııa ókilderi jáne kórnekti qoǵam qaıratkerleri qatysty.
Talqylaý barysynda memlekettik tildi oqytýdyń ózekti máseleleri sóz boldy. Ádiskerler men oblystyq oqytý ortalyqtarynyń basshylary óz tájirıbelerimen bólisip, sheberlik saǵatyn ótkizdi.
Tilderdi damytý jáne qoǵamdyq-saıası jumys komıtetiniń tóraǵasy Qýanysh Asylov óz sózinde aldyńǵy qatarly tájirıbelerdi eskere otyryp, memlekettik jáne basqa da tilderdi oqytý ádistemesin jetildirýdiń mańyzdylyǵyn, sonymen qatar qazaq tilin oqytýdaǵy qalyptasqan ádisterdi saqtaý qajettigin atap ótti.
Shara qorytyndysy boıynsha óńirlik basshylar men oqytý ortalyqtarynyń basshylaryna memlekettik tildi oqytý úrdisinde jańa tásilder men ınnovatsııalyq tehnologııalardy engizý boıynsha usynystar berildi.
