Qýanyshbek Úshtaev QR Qarýly Kúshteri Qurlyq áskerleriniń bas qolbasshysy laýazymyna taǵaıyndaldy
ASTANA. KAZINFORM - Memleket basshysynyń ókimimen Qýanyshbek Óskenbaıuly Úshtaev Qazaqstan Respýblıkasy Qarýly Kúshteri Qurlyq áskerleriniń bas qolbasshysy laýazymyna taǵaıyndaldy, dep habarlaıdy Aqordanyń baspasóz qyzmeti.
Sondaı-aq Memleket basshysynyń ókimimen Mereke Mátimuly Kóshekbaev Qazaqstan Respýblıkasy Qarýly Kúshteri Qurlyq áskerleriniń bas qolbasshysy laýazymynan bosatyldy.
Qýanyshbek Úshtaev osy taǵaıyndaýǵa deıin ol Qurlyq áskerleri Bas shtabynyń bastyǵy – Bas qolbasshynyń birinshi orynbasary qyzmetin atqardy.
General-maıor Qýanyshbek Úshtaev Jambyl oblysy Jýaly aýdanynyń Alekseevka aýylynda dúnıege kelgen. Áskerı qyzmet jolyn áskerı ýchılışe kýrsanty bolyp bastap, Qurlyq áskerleri Bas qolbasshysynyń birinshi orynbasaryna deıingi joldan ótti.
Ár jyldary áskerı bólimderdiń komandıri, «Ońtústik» óńirlik qolbasshylyǵy áskerleri qolbasshysynyń jaýyngerlik daıarlyq jónindegi orynbasary – Jaýyngerlik daıarlyq basqarmasynyń bastyǵy, «Shyǵys» óńirlik qolbasshylyǵy áskerleri qolbasshysynyń birinshi orynbasary – shtab bastyǵy qyzmetterin atqardy. «Shyǵys» jáne «Ońtústik» óńirlik qolbasshylyqtarynyń áskerlerin basqardy.
1997 jyly Almaty joǵary jalpyáskerı komandalyq ýchılışesin, 2009 jyly Ulttyq qorǵanys ýnıversıtetin, 2018 jyly Reseı Federatsııasy Qarýly kúshteri Bas shtabynyń Áskerı akademııasyn bitirgen.
II dárejeli «Dańq» ordenimen, «Jaýyngerlik erligi úshin» medalimen, vedomstvolyq jáne mereıtoılyq medaldarmen nagradtalǵan.
Ótken apta ishinde bolǵan kadrlyq taǵaıyndaýlar týraly myna jerden oqýǵa bolady.
