«Qýanysh» voleıbol komandasy Qazaqstan kýbogin jeńip aldy
Taldyqorǵan qalasynda voleıboldan áıelder komandalary arasynda QR kýbogi oıyndary máresine jetti, dep habarlaıdy Kazinform.
Bas júlde úshin sońǵy matchta Azamat Esimov jattyqtyratyn «Qýanysh» (SQO) pen «Almaty» komandasy (bas bapkeri Rafael Gılıazýtdınov) alańǵa shyqty.
Birshama tartysty ótken matchta «Qýanysh» qarsylasyn 3:1 (25:15, 25:8, 26:28, 25:13) esebimen utyp, el kýbogine qol jetkizdi.
Valerıı Shındov baptaıtyn taldyqorǵandyq «Jetisý» klýby úzdik úshtikke ilikti. Olar túrkistandyq «Turandy» (bas jattyqtyrýshy Asqar Shalqybekov) 3:0 (25:11, 25:23, 25:23) esebimen jeńdi.
Bıyl komandalar sapynda eleýli ózgerister boldy. Mysaly, juldyzdy oıynshylar jınalǵanyna qaramastan, taldyqorǵandyqtar jartylaı fınalda «Qýanyshqa» ese jiberdi.
Eske sala keteıik, budan buryn «Pavlodar» voleıbol klýbynyń QR kýboginiń ıegeri atanǵanyn jazǵan edik.
